PER L'OBRA DE GLAUDI BARSOTTI

PER L'ÒBRA de

GLAUDI BARSOTTI

Defuntat lo 23 de febrier 2026

L’Òbra de Glaudi barsotti

L’òbra de Glaudi se ne parla et se ne parlarà de lònga.

Dins la Marseillaise, dins Aquò d’aquì e mai mai.

Vòli dire aquì perque es estat mon mestre per la coneissença de la cultura d’òc et son desvelopament.

Son vejaire es qu’una cultura pòt pas existir solament esteticament e a despart dau desvelopament sociau.

Aquest vejaire li veniá de sei originas : familha obrièra devers la Bèla de Mai, italiana et provençala, ligada ai culturas CGT et Comunista.

Sa generacion, coma la mièuna, un pauc mai tard, era aquela de la guerra d’Argeriá.

Sei libres « Terra deis autres » et lo « Comunard de la Mitidja » ne testinonia.

Avem fach tant de discutidassa ensems, fasent avançar reciprocament  nòstrei reflexions, sus lei drechs dei pòples et aquelei dei salariats. Discutida de reflexion e d’amistat fonsa partejada.

Dins l’esperit de son antologia dei « Escrivans sociaus provençaus », una de sei premièras publicacions.

Escafar aquesta part essenciala de Glaudi sariá una traïson e l’oblidar un oportunisma dei grands. E nòstre temps quicha  a oblidar.

Una dei darnieras volontats de Glaudi es de rampelar una fotò. De que li aviá sus aquesta fotò ? : lo desfilat dei nistons dau vilatge onte era refugiat au moment de la guerra ambe sa maire, desfilat per festejar un dei premiers endrechs liberats de l’occupacion nazi. Era ben en vista au mitan dau desfilat. L’ai mandada ais amics.

Que li teniá tant d’explicar son engatjament d’una vida per la cultura d’òc et per la justicia sociala.

Au Calen, ambe Jòrgi Reboul, a continuat d’adjudar Catalonha sota la dictatura franquista. Era lo correspondent a Marselha dau partit socialista unificat catalan clandestin ( PSUC naissut en grand part dau PC de Catalonha).

A trabalhat ambe Pèire Gabrielli per la securitat sociala, Gabrielli, sindicalista e òme politic, personalitat marcanta dau Front populari de 1936 ambe Andrieu  Molino. Lo rementava de lònga.

Calen, IEO, commission de cultura regionala dau PCF, leis Amics de Mesclum et son armanac, 50 ans de cronicas occitanas, accion par l’ÒC a la tele, seis obratges, romans, recits, estudis, son estat en grand part dins la creacion qu’aviá suscitat lo moviment culturau naissut de la Resistencia e la Liberacion.

Es estat ambe Lafont, Gibelin, Martin, Molin, qu’avem perduts, e Merle dei nòstres, qu’a pas poscut venir par rason de santat, e tant d’autres, dins la recerca e l’animacion dau moviment occitan.

Leis animators de Mesclum qu’an près la seguida de Mesclum, pagina occitana de la Marseillaise creada en 1985 per Glaudi et sei amics devon estre fòrça grandmercejats aquì.

Eliana sa companha aquì a ajudat Glaudi d’un biais essenciau, materialament e moralament dins son engatjament occitan, e siam a costat d’ela dins aquest moment. Grand potonas a ela dins sa tristesa.

Grands potonas ais enfants e felens, fremas e òmes.

Pèiron.