Overblog
Editer l'article Suivre ce blog Administration + Créer mon blog
1 décembre 2013 7 01 /12 /décembre /2013 01:07

escalier contesse 2juin10 002Lo còrs e l’èime

 

Dau temps que leis umans an près conciència que pensavan, que se podiá regardar sei pròpris moviments, sa vida personala coma dins un mirau, an començat de mesurar la valor de sei gèstes.

Mai es pas per còp d’astre.

A capitat au moment onte an començat de mesurar la valor abstracha deis objèctes qu’escabiavan ; es a dire quora an inventat l’argent ; l’argent merça comuna de l’escambi mercant.

D’aquest moment la valor morala d’un acte uman a près una qualitat diversa d’aquela d’un acte dins un clan, una tribù.

La valor recipròca d’un uman es devenguda la valor deis objèctes recipròcs.

Mai  tambèn es una autra neissènça : la desseparacion de la representacion mentala dau còrs e de l’èime, qu’aparèis encò dei grècs mai que vèn a paroxisme dans lei religions monoteistas.

La valor d’una persona es en rapòrt ierarchic ambe l’avesinament dau poder, poder abstrach qu’assegura lei règlas de l’escambi mercant, incarnat dins la persona eilamondaut… de la piramida sociala.

Pasmens, dins aquest moviment, la pensada nèissenta de l’egala valor de tot acte uman en santat (e non  solament en santetat) comença de se desvelopar, perque comença d’apareisser dins lo « mirau » qu’un moviment dau còrs pòu pas existir sensa leis autres moviments dau còrs…

Lo cristianisme per exemple, ambe lo simbòle dau pan e dau vin coma representacion de l’èime e de la vida retròba lo liame ambe lo còrs e la matèria.

Dins l’atge mejan, Francesco d’Assisi ambe la « sòrre l’aiga » o lo « fraire solèu »  trenca en partida ambe l’ancian vejaire respiech a la tradicion de l’esperit sensa matèria, sensa la natura en generau.

E podem de segur  trobar la meteissa recerca dau liame ambe la natura dins de moments de l’Islam e deis autres grands moviments de pensada e d’accion dins lo monde ; e de segur dins lo vejaire materialiste scientific e non lo materialisme mecaniste que denega lo ròtle de la representation dins lei rapòrts umans, es a dire lei « superstructuras » socialas, coma se l’economìa podiá existir sensa representacions simbolicas…

Quora sauprèm donar una egala valor a tot moviment dau còrs, donarèm una egala valor a cada persona, emai se la persona es fòrça diversa ambe l’autra persona e que la tòca de l’umanitat e de la persona dins l’umanitat es de desvelopar la consciènça de la natura desperela... Va pensi e va repeti…per assajar d’escambiar leis idèias…

Ara que desremplaçam l’argent moneda fisica per l’argent muneric, quina pòu estre nòstre vejaire sus nòstra valor, o puslèu la valor de nòtreis actes… ?

 

Pèiron Assante, 23.11.13

 

ET, Accéder, en cliquant sur le lien ci-dessous à :

30 TITRES sélectionnés de ce blog : Quelques essais, nouvelles, poèmes, articles de presse, de l'auteur de ce blog.... Cliquer sur leS titreS

 

 

Et :Tous les articles de ce blog en cliquant : ici

Partager cet article
Repost0

commentaires

Présentation

  • : Le blog de pierre.assante.over-blog.com
  • : Ce blog contient, sous la forme d'essais,de nouvelles, de poésies, une analyse des contradictions du mode de production, des devenirs possibles, en particulier en rapport avec l'activité humaine, le travail, l'ergologie
  • Contact

pierre.assante.over-blog.com

Recherche